Næsta "HotYoga" kennaranám eða í raun almennt 200tíma jógakennaranám verður kynnt næsta laugardag 30. september 2023 í Laugum, World Class og áætlað er að námið hefjist í október 2023.  Námið verður aðra hvora helgi 4 klst í senn á laugardegi og á sunnudegi frá kl: 14:00 til 18:00 og einnig einstaka kvöldstund á mánudegi eða á miðvikudegi kl: 19:30 - 21:30.  Stefnt er að útskrift verði haldin þann 25. maí 2024.

​

Jógakennaranámið er almennt byrjenda námskeið í jógafræðum og tekur mið af og heldur í við staðla Yoga Alliance og JKFÍ (Jógakennarafélags Íslands), sem gilda fyrir 200 tíma jógakennara nám.

Námið inniheldur grunnfræðslu um meðal annars sögu og heimspeki yoga.  Helstu hugtök eru útskýrð nánar og þekktustu frumkvöðlar yoga kynntir til sögunnar.  

Farið er í greiningu á mismunandi yoga tegundum sem þekktastar eru í vestrænum heimi.  Jóga anatómían er tekin vandlega af fagmanneskju sem hefur sérhæft sig í þeim fræðum.  Heimspekinni á bak við jóga er gefinn góður tími enda af nægu að taka.  

Orkustöðvar útskýrðar og Ajurveda fræðin kynnt næginlega. 

50 – 55 Jógastöður eða asanas voru valdar til þess að raða upp í „rútínu“ eða æfingaröð sem hægt er að notast við þegar byrjað er að kenna.  

Kennt er mismunandi uppröðun á stöðum/asanas og útskýrt hvernig stöðurnar flokkast í mismunandi flokka eftir áherslum sem þær reyna á þ.e.a.s. Standandi stöður, sitjandi stöður, jafnvægis stöður, sveigjur, hvolfanir (inversion), teygjur o.s.frv.  

Mismunandi öndunaræfingar kenndar.  Æfingar úr elstu Yoga Asanas bókinni „Hathapradipika“ kynntar, kryjas o.fl.  

Siðferðisreglur teknar fyrir og nemendur látnir skrifa undir ákveðinn samning við útskrift að þeir muni vinna eftir þeim reglum.

Teknir eru fyrir kennslu hættir eins og framsögn og raddbeiting.  Góður tími tekinn í það að hver og einn æfi sig að kenna valdar stöður/asanas ..fyrst eina til þrjár í einu en svo fleiri saman.  Í lokinn æfa allir að kenna heila kennslustund eða 90 mínútna tíma.

Markmið skólans með náminu er að miðla sem bestri grunnþekkingu til nemandans um jóga og undirbúa hann sem best til þess að geta leiðbeint sínum iðkendum í jógakennslu.